ფიტნეს კლუბები

წევრების უმეტესობა პირველ 90 დღეში წყვეტს კლუბში სიარულს. გაიგეთ, როგორ შეინარჩუნოთ ისინი.

ფიტნეს კლუბის წარმატებისთვის წევრების შენარჩუნება გადამწყვეტია. FormaCore გაძლევთ მონაცემებსა და ავტომატიზაციის შესაძლებლობებს, რომ დროულად შეამჩნიოთ აქტივობის კლება, დაუკავშირდეთ წევრებს და დააბრუნოთ რეგულარულ ვარჯიშზე. შექმენით კლუბი, სადაც წევრებს დარჩენა სურთ.

90 დღე
პერიოდი, როცა წევრების უმეტესობა დარჩენის ან წასვლის გადაწყვეტილებას იღებს.
5×
ნაკლები ხარჯი არსებული წევრის შესანარჩუნებლად, ახლის მოზიდვასთან შედარებით.
67%
არსებული წევრებისგან მიღებული შემოსავლის წილი.
0
ცალკე ცხრილი. ყველაფერი ერთ სისტემაში აღირიცხება.
წევრების მართვა

შეამჩნიეთ წასვლის რისკი, სანამ წევრი აბონემენტს გააუქმებს.

წევრებს ვარჯიშის ჩვეული რიტმი აქვთ. ამ რიტმის ცვლილება შეიძლება წევრობის შეწყვეტის ადრეული ნიშანი იყოს. თვალი ადევნეთ დასწრებას, ჩართულობასა და გადახდების ისტორიას რეალურ დროში, რათა დროულად დაინახოთ აქტივობის კლება და წევრებს დაუკავშირდეთ.

  • სისტემა ავტომატურად გამოყოფს წევრებს, რომელთა ვიზიტებიც იშვიათდება ან წყდება.
  • თითოეული წევრის პროფილში ჩანს ვიზიტების სიხშირე, აბონემენტების ისტორია და გადახდის სტატუსი.
  • დაათვალიერეთ წევრების ბაზა ჩართულობის დონის მიხედვით და სწრაფად დაინახეთ, ვის სჭირდება ყურადღება.
ავტომატიზაცია

დამხმარე, რომელიც წევრებს უყურადღებოდ არ ტოვებს.

წევრები ხშირად ისე წყვეტენ სიარულს, რომ კლუბიდან არც მოკითხვა მისდით და არც დაბრუნების შეხსენება. ავტომატიზაციით საჭირო შეტყობინება საჭირო დროს იგზავნება. თქვენს გუნდს თითოეული შეტყობინების ხელით გაგზავნა აღარ უწევს.

  • როცა წევრი 7, 14 ან 30 დღის განმავლობაში არ გამოჩენილა, მას ავტომატურად ეგზავნება ვარჯიშზე დაბრუნების შეხსენება.
  • აბონემენტის განახლების შეხსენება წევრს ვადის გასვლამდე ეგზავნება.
  • დაბადების დღის მილოცვები, ვარჯიშის შეხსენებები და დაბრუნებისკენ მოწოდებები ავტომატურად იგზავნება SMS შეტყობინებებით, ელფოსტითა და აპლიკაციის შეტყობინებებით.
ანალიტიკა და ანგარიშები

წევრების შენარჩუნების მაჩვენებელი. რეალურ დროში.

წევრების დაკარგვის პრობლემა ხშირად მაშინ ხდება შესამჩნევი, როცა რეაგირება უკვე დაგვიანებულია. თვალი ადევნეთ წევრობის შეწყვეტის მაჩვენებელს, წევრობის საშუალო ხანგრძლივობას, ვიზიტების სიხშირესა და ჯგუფების შევსებას. ასე გადაწყვეტილებებს თქვენი ბიზნესის მიმდინარე მონაცემებზე დაყრდნობით მიიღებთ.

  • წევრების შენარჩუნებისა და წევრობის შეწყვეტის მაჩვენებლები რეალურ დროში ჩანს, რათა პრობლემები ადრეულ ეტაპზე შეამჩნიოთ.
  • ჯგუფური ვარჯიშების მონაცემები გიჩვენებთ, რომელი ჯგუფები ივსება და რომელ ვარჯიშებზე მცირდება დასწრება.
  • შემოსავლისა და აბონემენტების ყოველთვიური ცვლილებები ერთ ანალიტიკურ პანელშია თავმოყრილი.
წევრების პორტალი და მობილური აპლიკაცია

თქვენი ბრენდი წევრების ტელეფონში. ყოველდღე.

როცა წევრებს განრიგის ნახვა, მომდევნო ვარჯიშის დაჯავშნა და აბონემენტის მართვა პირდაპირ ტელეფონიდან შეუძლიათ, მათი კლუბში დარჩენის ალბათობა იზრდება. შესთავაზეთ მათ თქვენი ბრენდის პორტალი და მობილური აპლიკაცია, რათა კლუბთან კავშირი ყოველდღიურად შეინარჩუნონ.

  • წევრები თავად ჯავშნიან ვარჯიშებს, მართავენ აბონემენტს და იხდიან ონლაინ. ადმინისტრატორთან დარეკვა ან მიწერა აღარ სჭირდებათ.
  • პორტალი და აპლიკაცია თქვენი კლუბის სახელით, ლოგოთი და ფერებითაა გაფორმებული.
  • აპლიკაციის შეტყობინებები წევრებთან კავშირის შენარჩუნებასა და მათ დაბრუნებაში გეხმარებათ.
ვიზიტების აღრიცხვა

ყველა ვიზიტი აღირიცხება. აქტივობის კლება დროულად ჩანს.

ვიზიტების აღრიცხვა ერთდროულად გეხმარებათ შესვლის კონტროლსა და წევრების აქტივობის შეფასებაში. დასწრების მონაცემებით ხედავთ, ვინ ვარჯიშობს რეგულარულად, ვინ მოუკლო სიარულს და ვინ არ ყოფილა დარბაზში ბოლო სამი კვირის განმავლობაში. ინფორმაცია რეალურ დროში ახლდება და დროული რეაგირების საშუალებას გაძლევთ.

  • წევრი ვიზიტს მობილური აპლიკაციის QR კოდით აღრიცხავს, ან ამას დარბაზის ადმინისტრატორი მართვის პანელიდან აკეთებს.
  • შემოსვლების მონაცემები რეალურ დროში ჩანს, რათა თქვენმა გუნდმა იცოდეს, ვინ იმყოფება დარბაზში.
  • სისტემა ავტომატურად ამჩნევს ვიზიტების სიხშირის ცვლილებას და ააქტიურებს წევრის დაბრუნებისთვის განსაზღვრულ მოქმედებებს.
რეკომენდებული პაკეტი

კლუბები, რომლებიც წევრებს ყველაზე დიდხანს ინარჩუნებენ, Club პაკეტით სარგებლობენ.

Club პაკეტი მოიცავს Studio პაკეტის ყველა შესაძლებლობას და დამატებით წევრების პორტალსა და მობილურ აპლიკაციას. ასე კლუბთან კავშირი ვიზიტებს შორისაც გრძელდება. ეს ყოველდღიური კავშირი განასხვავებს კლუბებს, სადაც წევრების 85% რჩება, მათგან, სადაც 60% რჩება.

მზად ხართ, შეინარჩუნოთ წევრები, რომელთა მოზიდვასაც ამდენი ძალისხმევა მოახმარეთ?

დაჯავშნეთ დემო და ნახეთ, როგორ გეხმარებათ FormaCore მეტი წევრის შენარჩუნებაში თვიდან თვემდე.